فحش ویب سائٹ دیکھنے والے کا ہولناک واقعہ / xxx videos dekhne wale ka Anjam

 فحش ویب سائٹ دیکھنے والے کا ہولناک واقعہ

خدا کا واسطہ ایک دفعہ ضرور پڑھیں!

فحش ویب سائٹ دیکھنے والے کا ہولناک واقعہ / xxx videos dekhne wale ka Anjam

    اس وقت نوجوانوں میں ایک بہت ہی بری عادت سما گئی ہے ؛ بلکہ یوں کہیے کہ نوجوانوں کی اکثریت اس مرض خبیثہ کے شکار ہوگئے ہیں، کہ جس نوجوان کے پاس انڈرائیڈ موبائل ہے وہ اپنے وقت کے ضیاع کے لیے جہاں گیمز وغیرہ کھیلنے میں مشغول رہتے ہیں وہیں وہ فحش ویڈیوز دیکھنے میں بھی اپنے وقت کے ساتھ جسمانی قوت اور روحانی سکون کو برباد کر رہے ہیں۔ اور صرف یہی نہیں کہ فحش ویڈیوز دیکھتے ہیں بلکہ دوسروں کو بھی دکھاتے ہیں، اور بعضوں نے تو ویب سائٹ بنا رکھی ہیں، جس پر گندی فلمیں یا گندی تصاویر اپلوڈ کی جاتی ہیں، خود بھی گناہ گار ہوتے ہیں اور دوسروں کے گناہ بھی اپنے سر لیتے ہیں

سچ کہئے تو اکثر نوجوان جو رات میں گھر والوں سے الگ سوتے ہیں وہ اس مرض کے زیادہ شکار ہوے ہیں۔

    افسوس کہ فحش ویڈیوز دیکھنے میں پیاری مائیں اور بہنیں بھی مردوں سے پیچھے نہیں، جب بھائی اپنا موبائل گھر میں چھوڑتے ہیں تو بہنیں یہ حرکت کرتی ہیں اور جب شوہر اپنے موبائل گھر چھوڑتے ہیں تو گھر کی مَلِکائیں اس مرض میں مبتلا ہو جاتی ہیں۔ تو سوچیں جس کے پاس پرسنل موبائل ہو اس کی کیا حالت ہوگی؟ 

    میں یہ بات پورے وثوق کے ساتھ کہہ رہا ہوں، کسی پر الزام یا بدگمانی نہیں، میرے پاس کئی لوگ آئے اپنا موبائل دکھانے کے لیے ، ان کا کہنا تھا کہ پتا نہیں کیوں میرے موبائل کا نیٹ نہیں چل رہا ہے، جبکہ آج ہی کل میں ریچارج کراۓ ہیں، ذرا دیکھ کر بتائیے، چنانچہ جب میں نے جانچ کی اور ہسٹری چیک کیا تو خلاصہ ہوا کہ فلاں وقت میں فحش ویڈیوز ایچ ڈی میں دکھے گئے ہیں ، اس لیے سارا ڈاٹا جلد ہی ختم ہوگیا، ان میں سے بعض نے بتایا کہ میرا موبائل گھر میں اہلیہ کے پاس تھا، تو بعض نے کہا کہ بہن چلا رہی تھی، کچھ لڑکے ماں باپ کے سو جانے کے بعد قریب ١٢/١ بجے رات میں یہ فحش ویڈیوز دیکھتے ہیں، یہ بھی تحقیق شدہ ایک باپ کی زبانی سچا واقعہ ہے۔

اللہ تعالیٰ ہم سب کو فحش کاری و فحش بینی سے بچائے۔ آمین

یاد رکھیں ! 

    فحش بینی کے جہاں دینی نقصانات ہیں وہیں دنیوی  نقصانات بھی ہیں۔ 

    دنیوی نقصانات کی تفصیل کبھی انشاءاللہ بیان کی جائے گی، لیکن اس مضمون میں فحش بینی کے تعلق سے دینی نقصانات کا ایک اندوہناک واقعہ بیان کیا جاتا ہے۔ اس واقعہ کا  تعلق  پورن ویب سائٹ بنانے سے ہے کہ متعدی گناہ میں شامل ہے۔

سیکس ویڈیوز کے نقصانات

    میرے ایک واقف کار نے یہ واقعہ سنایا، کہتا ہے: اس کا ایک بہت اچھا دوست تھا جو پچھلے دنوں روڈ ایکسیڈنٹ میں مارا گیا( اللہ تبارک و تعالیٰ اس پر اپنا رحم فرمائے اور اس کی خطاؤں کو معاف فرمائے) مرنا کوئی بڑی بات نہیں ہے کہ سب کو مرنا ہے؛ لیکن اس کی موت سے کچھ قباحتیں اور مشکلات کھڑی ہوئی ہیں اور وہ یہ کہ مرنے والا شخص انٹرنیٹ سے متعلقہ امور میں مہارت رکھنے والا شخص تھا، فحش مواد والی ویب سائٹس اُسکی کمزوریاں تھیں اور ننگی تصاویر جمع کرنا اس کا پسندیدہ مشغلہ تھا ۔

    حتیٰ کہ اُس نے اپنی ایک ویب سائٹ بھی بنا رکھی تھی ، جس پر ہر طرح کی فحش تصاویر کا ایک بہت بڑا مجموعہ لوگوں کی تفریح طبع کے لیے موجود تھا، ویب سائٹ کی خصوصیات میں سے ایک خصوصیت یہ بھی تھی کہ رجسٹرڈ ممبران کو نئی تصاویر یا ہر کچھ دنوں کے بعد چند تصاویر کا ایک مجموعہ خود بخود ہی ان کے ایمیل پر پوسٹ ہو جاتا تھا،اب میرے اس دوست کی ناگہانی موت نے ہمارے لیئے یہ مصیبت کھڑی کر دی ہے کہ ہمیں اس کی ویب سائٹ کا پاس ورڈ معلوم نہیں ہے ؛تاکہ کم از کم اس ویب سائٹ کو بند کریں، یا کوئی دوسرا حل نکالیں ۔ 

    کہتا ہے جب میں مسجد میں بیٹھا اس کی نماز جنازہ کا انتظار کر رہا تھا تو یہی سوچ رہا تھا اور جب ہم سب اس کی لاش کو اُٹھا کر قبر کی طرف جا رہے تھے تو بھی میں یہی سوچ رہا تھا کہ یہ قبر میں جا کر کس چیز کا سامنا کرے گا؟ ننگی تصاویر کا؟ (حسبنا اللہ ونعم الوکیل) قبرستان میں قبروں کی وحشت اور ویرانگی مگر جنازے کے ساتھ آئے ہوئے لوگوں کے رش کے باوجود میرا دماغ بس یہی بات ہی سوچتا رہا، میں نے قبر کے اندر ایک نظر ڈالی اور افسوس کے ساتھ سوچا پتہ نہیں میرے دوست کا یہاں کیا حشر ہوگا؟ میرے دوست کے کچھ قریبی احباب تو رو بھی رہے تھے اور میں سوچ رہا تھا کہ کیا ان کا رونا میرے دوست کے کسی کام آ سکے گا؟

    بہرحال! ہم نے میت دفنائی اور واپس چل دیئے، جی ہاں ! اپنے دوست کو قبر میں اکیلا چھوڑ کر، اسکا سارا مال اور اس کے سارے اھل خانہ واپس چلے گئے، رہا تو صرف اس کے اعمال تھے۔ اور کیا پتہ اس کے کیسے اعمال تہے؟ 

     دوست کی ماں اکثر خواب میں دیکھتی:

 کہ  (نوجوان) لڑکے اس کے بیٹے کی قبر پر آتے ہیں اور پیشاب کر کے چلے جاتے ہیں۔

    وہ ہمیشہ مجھ سے پوچھتی کہ یہ کیسا خواب ہے اور اسکی کیا تعبیر ہوگی؟ اس بیچاری کو کیا پتا کہ اس خواب کے پیچھے کیا راز تھے، میں اپنے آپ کو کہتا تھا کہ خواب کی تعبیر تو واضح ہے:

 لڑکے وہ لوگ تھے جن کو میرا دوست ننگی تصاویر بھیجا کرتا تھا اور وہ لڑکے یہ تصاویر آگے سے آگے پہنچاتے تھے

     اللہ اکبر یہ کیسا جال سا پھیلا ہوا تھا اور کس کس کے گناہ میرے دوست کو ڈس رہے ہونگے، میں نے اپنے دوست کی ویب سائٹ کی ہوسٹنگ کمپنی سے رابطہ کیا، تاکہ وہ اس ویب سائٹ کو بند کردیں مگر انہوں نے معذرت کرلی کہ وہ ایسا نہیں کر سکتے، میرے اصرار پر انہوں نے مجھے یہاں تک بھی کہا کہ وہ مجھ پر یقین نہیں کر سکتے؛ کیونکہ جس نام اور جس پاس ورڈ سے یہ ویب سائٹ خریدی اور بنائی گئی تھی وہ معلومات میرے پاس نہیں تھیں، میں نے انہیں غصے میں بھی لکھا کہ  میرے دوست پر رحم کر دو وہ بیچارہ مر گیا ہے، مگر سب بے سود تھا۔

     اکثر بیٹھ کر اپنے دوست کی حالت پر سوچتا، جو کہ مجھے سرکار دوعالم صلی اللہ علیہ وسلم کے اس ارشاد مبارک کے مصداق نظر آتا، جس کا مفہوم یہ ہے کہ ’’ لوگوں میں سے کچھ شر کے راستے کھولنے والے اور خیر کے بند کرنے والے ہوتے ہیں ‘‘ اور مین تڑپ کر رہ جاتا ، میرا دوست کس طرح لوگوں کے گناہ اُٹھائے گا جن کیلئے اس نے شر کے دروازے کھولے تھے اور کس طرح قیامت کے دن ان سب گناہوں کو اپنے کندھے پر لاد کر محشر میں جائے گا؟ میں جانتا ہوں میری ان باتوں کا کسی پر کچھ اثر نہیں ہوگا؛ کیونکہ نوجوان تو اس کو محض وقت گزاری جانتے ہیں، جب کہ اللہ تعالی کی پناہ ان تصاویر کے نتائج کسی سے ڈھکے چھپے نہیں۔  لڑکوں نے ایسی تصاویر دیکھیں اپنی خواہشات کے سامنے بے بس ہوئے اور گناہوں کے گڑھوں میں گرتے چلے گئے اور کتنی معصوم بچیاں بربادیوں میں پھنستی چلی گئیں۔

     میرا دوست تو مر گیا مگر میں جانتا ہوں کہ روز قیامت اس سے ضرور سوال کیا جائے گا کہ تو نے کتنی ایسی تصاویر پر اپنی نظریں ڈالیں اور تیری دوسروں کو بھجی ہوئی تصویروں پر کس کس کی نظریں گئیں؟ تو نے کدھر کدھر یہ تصاویر پھیلائیں؟ اور جن تک تیری بھیجی ہوئی تصاویر گئین انہوں نے کس قدر آگے  پھیلایا ۔ مجھے کچھ نہیں سوجھ رہا کہ اس سلسلے کو میں کس طرح روک دوں؟ 

 اللہ پاک میرے دوست پر رحم فرمادے اللہ تبارک و تعالیٰ ہمار خاتمہ اچھا لکھ دے اور اللہ کرے یہ قصہ عقل والوں کیلئے عبرت کا سامان ہو آمین یارب العالمین۔